ما حبتش
حكاية حبيب اللبان، موظف في الكنام، هرب بيه العمر فوق االربعين وهو بين الخدمة والدار موش عارف روحه وين بش ترصي وال شكون بش يرضى بيه. حتى لين قابل نسيمة ومروى وفيروز .. حبيب يمثل برشا رجال توانسة فاتهم الترينو والي يقابلهم في حكايته باز تعرف منهم واحد وال وحدة، بش يجي لمخك عبد تعرفه ملي يعرفهم حبيب. و يمكن انت تعرف روحك في واحد منهم . الرواية مكتوبة بالدارجة التونسية أما اعمق من الف لغة قحة. كتيبة مطروزة تخليك تحلم بكل بالصة دخللها حبيب و تحس بجواجيه. خالد هويسة عرف يعطي لكل حاجة حكاية و قصة. يخليك تغزر لكل كرسي، كواطرو، طاولة غزرة كلها تاريخ و دراما. شكون بكى عليها الطاولة، قداش من حمل هز الكرسي، قداش من ضحكة و دموع سمعت الحيوط. .. كتاب حلو، مزيان، يتعاش قبل ما يتقرا، تشيخ معاه و تكري برطمان حبيب مدة حتى لين يوفى الكتاب وتقول وقتاش نرجع نتكى في صالة حبوب . وليد نميلي
